Поминете 5 незаборавни денови на падините на Јабланица, 4 прекрасни врвови со незаборавен поглед кон Охридско Езеро, 4 планински езера чија убавина само може да се почувствува. Вратете се назад низ времето и поминете дел од познатиот римски пат Виа Егнатиа за на крајот да се спуштите на брегот на Охридско Езеро, едно од најстарите езера во светот.

Видете ја, почувстувајте ја, и соединете се со недопрените убавини на Македонија како што не сте ја искусиле до сега. Не е потребно да сте искусен планинар, потребно е да сте со добра физичка подготвеност и најважно од се – да сте љубител на природата и да имате желба да бидете дел од една незаборавна авантура. Се останато оставете ни го нам, и ви ветуваме искуство кое ќе го паметите и раскажувате.